Mit anign von eich tua ma eh feste mailen, vur ollem fia de ondan is des jetzan a logebericht (a erweiterter und geaenderter auszug einer mail uebrigens). Anige hom jo schon infos ongefordert (robby). Also do isa, da logebericht:
I fong gonz am onfong on. Und zwor: des erste mol wie ma eina san ins office homma a besprechung mitm hai, unsam chef glei noch meim onkl, ghobt, und dabei is aussa kummen doss de do kane computer fia uns hom. Also hom se glei amol laptops fia uns bestellt. Extra fia uns, is des net geil? Bis jetzan homma internetrecherchen gmocht noch kundenfirmen und damit a powerpoint-praesentation und a hondbuch nei schreibn und uns wos ueba de sez durchlesn … der orbeitstog fongt do erst uma 9e holba zehne on, dafir gehts bis holba sechse und EIGENTLICH lei a holbe stund mittogspause.
Des wor jetzt de orbeit an sich, jetzan zu de kollegn:
Hai: unsa chef, a Israeli, der hot a waaaaaaaaahnsinnig charakteristisches gsicht, voll long oba echt cool, und der redet imma gonz longsom und wenn er ueba wos nochdenkt mochta de augn zua. Er begruesst uns imma mit ‘hi, ladies’ und frogt olle ‘how are you, guys?’, und bei ollem doss ma tuan sogta ‘you’re great, guys’! des letzte mol homma dieses hondbuch nei gschriebn, und do hot er hondschriftliche notizn dazuagmocht ghobt (in seina Israeli-hondschrift), und wir hom ihn gfrogt fia wos des frogezeichn do guat is. Sei reaction: ‘woooooow, you’re greeeeat, guys!’ a bissi verorscht kumm ma uns do schon vur. Grod friah is er bei da tia eine und hot gsogt: ‘hy, ladies, how are you?’ und wir hom net so recht gwusst wos ontwurtn wal ma uns bei so am komischn text net ausgekonnt hom, do hotta kurz gschaut und is donn rueckwaerts aus da tia ausse und hot gsogt ‘okay, once again’ und is wieda eineghupft bei da tia extra froehlich und hot noch vuell enthusiastischa gfrogt ‘hey guys, how are you?’ und wir noachen gonz enthusiastisch zruck ‘fine, fine!’ des wor a recht witzig. Jo des wors glab I vom hai, lei noch dossa oft ‘ni hao’ sogt und des klingt imma so witzig, und am ollerwitzigstn is sei locha, den herst von uebarol obwohl er nit laut is oda so (schlotte, nimm da a beispuel). Den mirs ma amol aufnehmen
Lily: des is a chinesin, eh schon wissn, und de locht de gonze zeit und findet olles witzig und scheint nie zu orbeitn. Sie frogt a imma wie des und des in oesterreich is, amol hot sie gfrogt wie de rechnungen in oe ausschaun (gleich natuerlich). Oba es is echt a gaude mit ihr, sie hot uns fia des wochenende einglodn noch suzhou mitzukummen mit ihr und anige freind von ihr de olle net englisch kennen. Von ihr homma schon ihr hochzeitsvideo gsegn und mit ihr hob I a gsichta in bueldn gsuacht, so optische taeuschungen. Und gestern hot sie uns a chinesisch-schreib-stund gebn, wor voll de gaude, wir hom ihr a a bissi ‘mountain-german’ beigebrocht. Und donn is des notschale kumman bei da chinesisch-stund.
S’notschale: eigentlich Christian, aus am dorf bei noetsch (wer haett gedocht doss es sowos gibt).
Werds nit glabn wos grod passiert is: I lies grod da Elena de mail laut vur und bin grod beim teil mitm notschale, grod do wo I jetzan einaschreib, auf amol laft vur da offenen tia des notschale vorbei. Wir natuerlich kennen net ondas und fongen voll zum lochn on, kummt a eina und frogt ‘wos isn do so witzig’ und wir, gonz unschuldig ‘niiiiiiiiiiiixxx, lei situationskomik’ und er ‘a bin I de situation oda wos’ und wir ‘jo eigentlich schon’. Des wor grod gonz witzig.
Voll witzig, mit seina frau werma vielleicht amol wos unternehmen. Ueber ihn gibts net vuell zum sogn. Er schaut imma so frogend, und wir mirsn imma lochn. Gemein, oba wos soll ma tuan.
Pam-Pam: eigentlich Christian, ca. 2 meta gross. grinst ondauernd und is voll witzig. Zu ihm dazoehl I am bestn a gschicht: gestern isa vorbeigongen an dem besprechungsraum in dem wir orbeitn, und hot sich gschneizt. Wir hom grod glocht, I wass net ob darueba oda ueba wos ondares, auf jedn foll hotta gsogt ‘I konn a mit de ohrn pfeifn, wenn I naeha zuabe kumm donn herst es’, donn hotta sich nebn de Elena hingstoellt und hot sich voll in sei ongschneiztes toschntuach einegschneizt nebn ihrm ohr. De Elena gonz perplex lei feste gnickt, da pam-pam ausse bei da tia und wir natuerlich wieda volle zum lochn ongfongen.
Fred: da freddy, auch flintstone genannt. A unsa chef. A burgnlaenda, und a augnbraue hotta imma hochgezogn. Redn tuata wie da goldi. Zu dem gibt’s eigentlich sunstan net vuell zum sogn, oba er is a witzig und natuerlich gonz gonz nett.
Christian (glab I holt): aus oesterreich, is erst seit 3 tog do, bleibt oba 3 monat. Erinnert uns an irgendan fuassbolla von solzburg, follt uns da nome oba nit ein. Vielleicht isses da ibertsberger, kennt sein. Sunst wass I noch net vuell ueba den.
Jo des worn eigentlich schon de wichtigstn (schoooon), lei noch a auflistung von a poor chinesn, folls de amol vurkummen:
sophie, lily ihr freindin und a unsa kollegin
molly und janet, de ghern a zum chinesn-klan dazua
Helen, de is anfoch lei do
Und donn sitzn do uebaroll vastrat noch a poor klane chinesn und tippn den gonzn tog feste in senana laptop eine.
Und jetzan kummt noch wos ma so aufgfirt hom in shanghai (eigentlich fost nix).
Also, wir worn shoppn. Oft. Zu oft. Long. Relativ vuell. Na jo so vuell a wieda net. Oba oft. Wir worn beim pearl-tower, im shanghai ocean aquarium (na jo) und anfoch in da gegend umatum. So de klanen gassln. De letztn 2 tog hots gregnet. Heit is wieda schen. Am bund wor ma. Essn. Mit de leit von da sez. Imma voll de gaude. 24 gschaut. Im yuan-garden, des is so a ort oltstodt wos massenweise souvenirs gibt. Gorbeitet. Am wochenende wor ma nix furt. Wal wir hom gedocht de em wird uebatrogn. Oba naaaaaaaaaaaa, natuerlich net. 7 verschiedene sportsenda, und auf kam laft de em. Frechheit. Auf jedn foll samma von somstog auf sunntog trotzdem net schlofn gongen, do homma ka lust ghobt. Wir hom holt gechattet. Und um 5e is hell wurdn, do homma an spaziergong gmocht. Fost niemond auf da strossn, lei a poor oeltare chinesn beim joggn (folls man des so nennen derf) und fost kane autos. Wor volle leiwond.
Jo und des hotel passt a so holbwegs. Des fruehstueck is net grod berauschend, dafia homma putzfraun (de olladings net obwoschn kennen). Lei gscheite tv-programme hom se net *gr*
Des essn is uebrigens net wirklich guat. Daham ernaehr ma uns von noodles (baehh), dosenfisch (baehh) und reis. Schmeckt eh olles noch kotznfuatta. Des essn im restaurant is ziemlich guat, und kostet nix. 1, vielleicht 2 euro pro essn. Dafia kriagst oba mehrere gerichte. I wuell oba a wurschtsemml. Basta.
So, wer sich durch de bombnmail durchglesn hot is echt guat. Wer noch weitaliest kriagt vielleicht amol an endpreis.
Also am wochenend samma nix do. Wal do samma mit da lily und ihre klanen chinesnfreinde de jo nix Englisch kennen in suzhou.
Am ende noch a froge: wuell jemond von eich normale, floche swatch-uhrn? 5 euro pro stueck, schaun voll geil aus, oba mit plastikbandl holt. Wer wuell konn a a Gucci, Rossini oda ok uhr um den soelbn preis hobn. Ohne plastikbandl. Dvds und cds wissts eh schon (2 bzw 1 euro pro stueck). Garantien geb ma oba kane ob. Is eh olls gefakt. Schmuck gibts do a voll schenen, ohrringe, ormbandln, sowos. Chinesisch holt. Oba schen. Folls eich sunst wos einfollt wos ihr gern haettets schreibts uns des, wir wern schaun ob mas auftreibn kennen. Apropos, wer wuell, do gibts a a hard-rock-café.
Glg und bussi @ll von den freaks
Sie sind vermutlich noch nicht im Forum angemeldet - Klicken Sie hier um sich kostenlos anzumelden
Offline
, na schmeh, danke das ihr uns am laufenden haltet, 
lg special kiss for the freaks Robby 
freak
!!!! Ajo, i beneid eich unhamlich um eure extrafüreichgekauften laptops!!! WEIL: mei gerät hat 1. Windows 98, 2. an fuzi klanen arbeitspeicher, und 3. funkt des www nur ab und zu!!!
und den beckham schirch 